Biðin eftir Robert Capa

1.490 kr.

0 atkvæði




Hljóðbókin er um 7 klukkustundir og 15 mínútur í hlustun.

Þau höfðu allt til að bera – og þau lögðu allt undir.

París 1935. Rithöfundar, málarar, skáld og ljósmyndarar hópast saman á götum úti og á kaffihúsum við bakka Signu í París á sama tíma og fleiri þúsund gyðingar frá allri Evrópu flýja til borgarinnar undan nasistum. Hér hittast tvö ungmenni, hún er af þýskum og pólskum ættum, stolt, viljasterk og hugrökk. Hann er ungverskur eldhugi sem er að reyna fyrir sér sem ljósmyndari. Þetta eru þau Robert Capa og Gerda Taro. Í huga þeirra er það sem skiptir höfuðmáli í lífinu ást, stríð og ljósmyndun. Þau eru ung, falleg og hvatvís og þau þola ekki fasisma. Myndir þeirra frá Borgarastríðinu á Spáni skipa þeim svo í hóp bestu stríðsljósmyndara allra tíma. 

Biðin eftir Robert Capa er sannsöguleg skáldsaga, byggð á raunverulegri atburðarás og samtímaheimildum. Grípandi frásögn um ástarsamband, sterka réttlætiskennd og viljann til að fórna lífinu til að koma sögunni á blað.

Í janúar árið 2008 fundust í Mexíkó þrír kassar  með 127 filmum og ljósmyndum úr spænska borgarastríðinu, sem höfðu verið í eigu Roberts Capa, Gerdu Taro og Davids Seymour sem kallaður var Chim. Þetta vour rúmlega 3000 áður óþekktar ljósmyndir. Flest dagblöð greindu frá þessum fundi, enda var hann án efa sá merkasti í sögu fréttaljósmyndunar. 
Upphaf þessarar sögu má rekja til einnar af þeim ljósmyndum sem fundust í Mexíkó og var birt í New York Times. Það er mynd af Gerdu Taro sofandi í mjóu rúmi á hótelherbergi, afar ungri og í náttfötum af Robert Capa.
 
 „Gerda og André stíga ljóslifandi fram á síðum bókarinnar í fallegri frásögn sem þau svo sannarlega eiga skilið.”
– P U B L I S H E R S  W E E K LY
 
„ ... frásögn sem mun snerta lesendur, tímalaus og grípandi ástarsaga þar sem varpað er upp ljóslifandi myndum frá augnablikum liðins tíma.“
 

– B O O K R E P O RT E R . C O M

Höfundur: Susana Fortes

Sigrún Ástríður Eiríksdóttir þýddi

Ólöf Hugrún Valdimarsdóttir leikkona les