Englasmiðurinn

2.390 kr.

0 atkvæði




Hljóðbókin tekur um 15 klukkustundir og 30 mínútur í hlustun.

 

Áttunda bókin í Fjällbackaseríunni

Á Hvaley, fyrir utan Fjällbacka, hverfur fjölskylda sporlaust um páskana 1974. Í matsal skólahússins, þar sem fjölskyldan býr, koma menn að dúkuðu veisluborði. Þar er líka yngsta dóttirin, hin ársgamla Ebba, en af öðrum fjölskyldumeðlimum finnst hvorki tangur né tetur, þrátt fyrir umfangsmikla leit.

Löngu síðar snýr Ebba aftur til Hvaleyjar með manni sínum til að setjast þar að. Þau hjónin hafa nýverið misst ungan son og í tilraun til að vinna bug á sorginni ætla þau sér að gera gamla skólahúsið upp og opna gistiheimili - í húsinu þar sem faðir hennar hafði með harðri hendi stýrt heimavistarskóla fyrir syni efnafólks. Þau hafa vart hafist handa þegar tilraun er gerð til að brenna þau inni. Í framhaldinu finnast gamlar leifar af blóði þegar gólfið í matsalnum er rifið upp - það er engu líkara en óhugnaður fortíðarinnar hafi elt þau uppi. Samhliða rannsókn á íkveikjunni taka Patrik Hedström og félagar hans í lögreglunni að skoða þetta gamla mál í von um að leysa ráðgátuna um hvarf foreldra og systkina Ebbu.

Englasmiðurinn er áttunda bók Camillu Läckberg með Ericu og Patric í forgrunni. Vinsældir Camillu eru gífurlegar og hún var söluhæsti kvenrithöfundurinn í Evrópu árið 2010. Sama ár átti hún tvær vinsælustu kiljurnar á Íslandi. Camilla klikkar aldrei!

 

Höfundur: Camilla Läckberg

 

Kristján Franklín Magnús leikari les

Sigurður Þór Salvarsson þýddi