Náðarstund

3.990 kr.

1 atkvæði




 

 

Árið 1829 bíður kona aftöku sinnar á norðlenskum sveitabæ. Agnes Magnúsdóttir hefur verið dæmd til dauða ásamt tveimur ungmennum fyrir hrottalegt morð á elskhuga sínum og öðrum manni. Henni er komið fyrir hjá hreppstjóranum á meðan beðið er eftir dómi Hæstaréttar í Kaupmannahöfn. Heimilisfólkið óttast hana og forðast; enginn sýnir henni skilning nema ungur aðstoðarprestur sem hefur verið falið að búa hana undir dauðann. Í samtölum þeirra og upprifjunum Agnesar opinberast smátt og smátt harmsaga hennar, ást hennar á Natani Ketilssyni og aðdragandi skelfingarnæturinnar á Illugastöðum.

Hannah Kent var skiptinemi á Sauðárkróki þegar hún heyrði söguna um síðustu aftöku á Íslandi og heillaðist af henni. Hér dregur hún upp margræða mynd af íslenskum raunveruleika, harðri lífsbaráttu, drungalegu myrkri og björtum nóttum, heitum tilfinningum og hörmulegum örlögum. Náðarstund, sem er fyrsta skáldsaga hennar, hefur hlotið fjölda verðlauna og viðurkenninga og verið seld til fjölmargra landa. Jón St. Kristjánsson hlaut tilnefningu til Íslensku þýðingarverðlaunanna 2014 fyrir þýðingu bókarinnar.

 „Kent tekst afar vel að lýsa persónu Agnesar og átökunum í sálarlífi hennar ... Mögnuð bók.“
- KB / MORGUNBLAÐIÐ

 

„Feikilega skemmtileg og sterk lesning ...“
- ÞT / KILJAN

Höfundur: Hannah Kent

Þýðandi:  Jón St. Kristjánsson

Lesari: Hildigunnur Þráinsdóttir leikkona