Passíusálmar og söguþættir

3.690 kr.

0 atkvæði




Hljóðbókin er um 7 klukkustundir og 20 mínútur í hlustun.

 

Passíusálmana orti Hallgrímur Pétursson á árunum 1656-1659. Sálmarnir 50 hafa verið hluti af páskahefð Íslendinga um margra alda skeið. Í þeim er píslarsaga Krists rakin af mikilli innlifun. Þeir hafa komið út á íslensku oftar en 80 sinnum og hafa verið þýddir á fjöldamörg önnur tungumál. Hverjum sálmi fylgir tónverk, leikið af Páli Ísólfssyni. 

 

„Skáld píslarvættisins“ eru söguþættir Sverris Kristjánssonar sagnfræðings. Sverrir var snillingur orðsins og vald hans á íslenskri tungu og frásagnarlist skilaði sér vel í þessu verki hans.

 

Hann var allt í senn „sagnfræðingur og bókmenntamaður, orðræðumaður og rithöfundur, kommúnisti og fagurkeri, rómantíker og raunsæismaður, þjóðfélagsgagnrýnandi og gleðimaður”. Fyrir erindi sín í Ríkisútvarpinu var Sverrir þjóðþekktur og virtur útvarpsmaður.

 

Sverrir Kristjánsson les.