Nú nú - Óskráð saga

2.990 kr.

0 atkvæði




Hljóðbókin er um 13 klukkustundir í hlustun.

Veturinn 1969 - 70 voru á dagskrá Ríkisútvarpsins þættir sem hétu Óskráð saga. Þar flutti Steinþór Þórðarson á Hala í Suðursveit minningar sínar og mælti þær af munni fram. Þættirnir voru alls 25. Steinþór var bróðir Þórbergs rithöfundar eins og kunnugt er. Stefán Jónsson, einn af bestu útvarpsmönnum liðinnar aldar, sá um að búa frásagnirnar til flutnings. Við sem hlustuðum á frásagnir Steinþórs munum þær í hillingum, svo vel sagði hann frá og orðfærið var svo sérstakt að unun var á að hlýða, enda urðu þættirnir fádæma vinsælir. Stefáni Jónssyni bregður öðru hverju fyrir sem hlustanda og einnig spyrjanda og maður skynjar að þar hafi Steinþór haft góðan áheyranda.


Að frumkvæði Þórbergsseturs og með góðfúslegu leyfi Ríkisútvarpsins til endurgerðar koma þessir útvarpsþættir nú út á hljóðbók. Áður voru frásagnirnar gefnar út orðréttar í bókinni Nú - Nú, bókin sem aldrei var skrifuð (1970).


Frásagnir Steinþórs eru ómetanleg heimild um samtíma hans og lifandi sagnahefð.


Stefán ritaði formála að prentuðu bókinni og fylgir hann með þessari hljóðbók í lestri Hjörleifs sonar hans.


Höfundur: Steinþór Þórðarson.

Höfundur les.