Lífsins tré

2.490 kr.

0 atkvæði




Vesturfarasögur Böðvars Guðmundssonar hafa notið fádæma vinsælda og eru með rómuðustu íslensku sagnaflokkum síðari ára.

 

Ólafur fíólín leikur á fiðluna Jörundarnaut þegar fyrsti Íslendingadagurinn er haldinn á Gimli. Að baki þeirri upphefð er löng saga um lífsbaráttu einkennilega þrautseigs fólks sem leitaði hamingjunnar vestur um haf þegar heimalandið þurfti ekki lengur á því að halda. Þar segir frá Elísabetu sem fór í tugthús fyrir að eignast börn. Sonur hennar og Ólafs fíólíns, Jens Duffrín, var skírður í höfuðið á íslenskum hjallaþjófi og enskum lávarði, hann ólst upp hjá svartklæddum Mennónítum, flakkaði um með Alþjóðasirkusnum í Minneapolis og svípaði strýtuna í Winnipeg. Þar segir frá Auðuni og Málmfríði í Johnson´s Store, bindindisfrömuðunum Jóni Eyjólfssyni og Walther Christ, sem áður hét Valtýr Kristinsson, og Joe Olson sem geymdi grænan stein í auðnum Alaska og suður í Ríkjum …

 

Böðvar Guðmundsson segir frá örlögum fólks af fyrstu og annarri kynslóð Vesturíslendinga og sambandi þeirra við ættingja í gamla landinu. Í Lífsins tré er fléttuð til loka sú saga sem hófst í Híbýlum vindanna. Báðar bækurnar voru tilnefndar til Íslensku bókmenntaverðlaunanna og hlaut Lífsins tré verðlaunin árið 1996.

 

Höfundur: Böðvar Guðmundsson.

 

Arnar Jónsson leikari les.